Sot mblidhet KES-i! A do të pranohet kërkesa që paga minimale në Maqedoni të bëhet 450 euro?
Këshilli Ekonomiko-Social (KES) sot duhet të mbajë seancën e parë pas formimit të Qeverisë së re.
Ministri i Ekonomisë dhe Punës, Besar Durmishi të martën në konferencën për mediat deklaroi se punëdhënësit dhe sindikatat do të diskutojnë për të gjitha kërkesat, idetë, kritikat dhe sugjerimet e tyre, si dhe kërkesën për rritjen e pagës minimale.
“Së bashku dhe në mënyrë transparente do të marrin vendime. Do t’i shohim edhe mundësitë e Qeverisë, por do t’i dëgjojmë edhe punëdhënësit dhe sindikatat dhe do të marrin vendim të përbashkët”, tha Durmishi.
Sa i përket kërkesës së sindikatave për rritjen e pagës minimale në 450 euro në 100 ditët e para nga Qeveria, Durmishi theksoi se sipas ligjit rritja e pagës minimale duhet të ndodhë në mars të vitit të ardhshëm.
Nga Lidhja e Sindikatave të Maqedonisë dhe nga Organizata e Punëdhënësve më 1 tetor kur u shënuan 100 ditë nga puna e Qeverisë shprehën pritshmërinë se së shpejti do të thirret seanca e KES-it.
Atëherë LSM-ja nuk ka dashur që t’i komentojë 100 ditët e para nga puna e Qeverisë së re duke shpresuar se do të thirret seanca e KES-it në të cilën do të tregohet se çfarë është punuar, ndërsa nga Organizata e Punëdhënësve të Maqedonisë theksuan se ka pasur pritshmëri të larta, por se deri tani nuk është bërë asgjë.
