“Aleanca euroatlantike”, Osmani publikon foton me presidentin Trump dhe Macron

Presidentja e Kosovës, Vjosa Osmani, po qëndron në Paris, ku mori pjesë në ceremoninë e veçantë të rihapjes së Katedrales së famshme ‘Notre Dame’.

Gjatë kësaj ceremonie, Osmani ka pasur rastin të takohet me presidentin e SHBA-ve, Dondald Trump, dhe presidentin e Francës, Emmanuel Macron.

Osmani ka publikuar një fotografi përkrahë dy homologëve të saj, ku ka shkruar “Aleanca euroatlantike”.

Kjo fotografi simbolizon mbështetjen e fuqishme për bashkëpunimin me Shtetet e Bashkuara të Amerikës dhe Francën.

Kosova, e cila ka shpallur pavarësinë në vitin 2008, vazhdon të punojë drejt integrimit të plotë në organizata ndërkombëtare dhe për të forcuar lidhjet me vendet perëndimore.