Gashi takon kryetarin e Asamblesë Parlamentare të NATO-s, Markos Perestrello
Kryetari i Kuvendit të Republikës së Maqedonisë së Veriut, Afrim Gashi, realizoi takim me Markos Perestrellon, kryetarin e Asamblesë Parlamentare të NATO-s.
Perestrello po qëndron për vizitë në Shkup para mbledhjes së nesërme të Komitetit të Përhershëm të AP të NATO-s, e cila këtë vit po zhvillohet në Kuvendin e RMV-së.
Kryetari Gashi shprehu kënaqësinë që takimi po realizohet pikërisht në ditën e NATO-s, kur shënohet 76-vjetori i Aleancës. Ai theksoi gjithashtu se Maqedonia e Veriut javën e kaluar shënoi një jubile të vogël, pesëvjetorin e anëtarësimit të plotë në NATO, që simbolizon pesë vite përkushtim të plotë ndaj vlerave euroatlantike dhe investimeve në kapacitetet tona ushtarake.
Kryetarët Gashi dhe Perestrello shkëmbyen mendime edhe për rëndësinë e dimensionit parlamentar të NATO-s. Në atë kontekst u theksua se edhe AP e NATO-s po shënon një jubile – 70 vjet nga themelimi, i cili do të shënohet në mënyrë të duhur në Samitin e Aleancës në Bruksel, në qershor.
