Hapet Ambasada e Shqipërisë në Sarajevë, Hasani: Forcojmë partneritetin me Bosnjë-Hercegovinën
Ministri për Evropën dhe Punët e Jashtme, Igli Hasani zhvilloi sot një vizitë zyrtare në Bosnjë-Hercegovinë, ku mbajti takime dypalëshe me përfaqësues të lartë të institucioneve shtetërore dhe rajonale dhe mori pjesë në disa aktivitete.
Njoftimi nga Ministri Hasani:
Sot inauguruam Ambasadën e Shqipërisë në Sarajevë — një moment domethënës në thellimin e partneritetit dhe miqësisë në rritje midis dy vendeve tona, pasi ambasada u rihap zyrtarisht pas një dekade.
Me këtë rast, pata kënaqësinë e veçantë të takoja personelin tonë ushtarak që shërben me nder në Misionin EUFOR Althea në Bosnjë-Hercegovinë, të cilëve u shpreha mirënjohjen më të thellë për kontributin e tyre në paqe dhe siguri.
