Shvercerat: Bujar Osmani 12 vite tregoi 0 interes për Shkupin, sot s’ka të drejtë morale ta përmend klubin

Kryetari i tifo grupit “Shvercerat”, Fatmir Jashari, ka reaguar ndaj përfshirjes së politikanëve në situatën aktuale të klubit futbollistik Shkupi. Ai ka bërë apel që emri i klubit të mos përdoret për përfitime politike momentale.

Reagimi i plote:

Si kryetar i tifo grupit Shvercerat, dua të bëj apel që politikanët mos të keqpërdorin gjendjen e klubit për poena politik.
Sidomos këtë e them për z. Bujar Osmanin të cilin nuk e njohim prej dje. 12 vite ka qenë herë ministër e herë zv. kryeministër, asnjëherë nuk është interesu aspak as për klubin tonë e as për ne Shvercerat.
12 vite ka treguar 0 interes, orandaj sot nuk ka të drejtë morale me e përmend emrin e klubit tonë, për përfitime momentale politike.
Stop politizimit!
Klubi nuk është fletushkë zgjedhore është histori, gjak e dashni!