Begaj uron shqiptarët për festën e Çlirimit: Dje, sot dhe përgjithmonë, besnikë ndaj të njëjtave vlera

Presidenti i Republikës së Shqipërisë, Bajram Begaj, uroi sot shqiptarët për Ditën e Çlirimit.

Ai në një postim në Facebook ka shkruar se ‘Dje, sot dhe përgjithmonë, besnikë ndaj të njëjtave vlera’.

Postimi i tij i plotë:

Gëzuar festën e Çlirimit, Shqipëri!

Dje, sot dhe përgjithmonë besnikë ndaj të njëjtave vlera.

Sot përkulemi me nderim para sakrificës së popullit tonë dhe dëshmorëve të Luftës së Dytë Botërore, që dhanë jetën për lirinë dhe çlirimin e atdheut.

Guximi, qëndresa dhe gjaku i tyre janë themelet mbi të cilat qëndron liria jonë.

Mirënjohja jonë nuk është vetëm kujtesë historike, por detyrim i përditshëm për të mbrojtur lirinë, dinjitetin njerëzor dhe paqen.