Fetai: S’mbulohet dielli me shoshë, mashtrimi politik kurrë s’ka qenë recetë për shtigje të gjata
Zëvendëskryeministri Arben Fetai, ka reaguar nëpërmjet një postimi në facebook pas mbylljes zyrtare të procesit të zgjedhjeve lokale 2025.
Sipas tij, gjatë gjithë vitit dëgjuam e pamë gjithçka nga opozita siç e quan ai të çoroditur.
“Njëherë bërtisnin si “Front” pse përfunduan në opozitë. Pastaj si AKI me planin e Grubit, përmes doktorit, tentuan të prodhonin zgjedhje. U doli huq.
Më pas shpikën “referendumin”, duke shëtitur komunë më komunë e duke bërtitur se “shqiptarët shkuan poshtë”. Ndërkohë, aty ku shkonin të bënin teatër, ujë nuk kishte, e për rrugë as që bëhej fjalë.
I gjithë ky rrëfim u përmbys më 19 tetor dhe 2 nëntor me 10 komuna të fituara në konto të VLEN-it.
Kaq. Fakt.”, shkruan Fetai në facebook.
Edhe pse tani, fitoren në Gostivar dhe Vrapçisht, Fetai thotë se AKI do ta shesë si triumf një gjë e tillë është e pamundur sepse siç shkruan ai s’mbulohet dielli me shoshë.
Fetai më tej shkruan se Vrapçishti, me Zul Demirin i cili shkoi mbi 3 mijë vota, mund të krenohet, ndërsa sa për Gostivarin, thotë se fitorja nuk e shlyen borxhin prej 30 milionë eurosh.
“Në fund, mashtrimi politik kurrë s’ka qenë recetë për shtigje të gjata. Prandaj BDI/AKI-së i urojmë vetëm një gjë: opozitë të gjatë”, përfundon Fetai.
