Fetai: Reçaku, plagë e hapur në ndërgjegjen tonë kolektive

Me rastin e përvjetorit të Masakrës së Reçakut, zëvendëskryeministri Arben Fetai ka kujtuar 45 civilët shqiptarë të vrarë mizorisht më 15 janar 1999, duke e cilësuar këtë ngjarje si një nga krimet më barbare të kryera nga regjimi serb ndaj popullit të Kosovës.

Postimi:
15 Janar 1999, Reçaku, plagë e hapur në ndërgjegjen tonë kolektive.
Sot përkujtojmë 45 civilët shqiptarë të vrarë mizorisht në Masakrën e Reçakut, një nga aktet më barbare të dhunës së regjimit serb ndaj popullit të Kosovës.
Ky krim i rëndë kundër njerëzimit tronditi botën dhe u bë pikë kthese drejt ndërhyrjes ndërkombëtare, duke e bërë të pamohueshme të vërtetën e spastrimit etnik që po ndodhte në Kosovë.
Reçaku mbetet kujtesë e pathyeshme për sakrificën, dinjitetin dhe të drejtën për liri.
Lavdi e përjetshme viktimave.