Pse nuk ishte në Davos? Rama përgjigjet në Kuvend: Zgjodha vajzën me lejen e babait
Kryeministri Edi Rama iu përgjigj pyetjeve të deputetëve të opozitës se pse nuk ishte në Davos për të nënshkruar Kartën për Bordin e Paqes.
Ai tha se ishte mes një zgjedhjeje, të shkonte në Davos për ftesën e Trump apo të priste vajzën e tij, Ivanka Trump, e cila dje ishte në Vlorë. Rama tha se zgjodhi të dytën, me lejen e presidentit të SHBA-ve.
“Meqë po përsëritet e njëjta pyetje dhe mos shqetësoheni pse unë nuk jam atje se mezi prisnit, duhet të bëja një zgjedhje mes ti përgjigjesha ftesës së babait apo të mikprisja vajzën këtu në Shqipëri. Edhe zgjodha vajzën. Natyrisht që vajzën e zgjodha me lejen e babait”, tha Rama.
Kujtojmë se ditën e kaluar, Ivanka Trump ishte në Vlorë ku me vete kishte 80 arkitektë me vete, të huaj dhe vendas.
