Çmimet e gazit rriten ndjeshëm në tregjet ndërkombëtare

Çmimet e gazit janë rritur ndjeshëm në tregjet ndërkombëtare në përgjigje të tensioneve në Lindjen e Mesme.

Në Mbretërinë e Bashkuar menjëherë pas mesditës, gazi natyror për dërgesë në prill u tregtua me 42% më shumë, në pak mbi 112p për term.

Katari është një eksportues i madh i gazit natyror të lëngshëm, duke përbërë rreth një të pestën e furnizimeve globale – dhe pjesa më e madhe e kësaj transportohet nga deti përmes Ngushticës së Hormuzit.

Ndërsa klientët kryesorë të Katarit janë në Azinë Jugore dhe Lindore, çdo ndërprerje e tregtisë ka të ngjarë të çojë në rritje të çmimeve në tregjet globale, sepse rrit konkurrencën për dërgesat që vijnë nga vende të tjera.

Situata është përkeqësuar nga mbyllja e disa impianteve të prodhimit të gazit në Izrael si një masë paraprake sigurie.

Analistët thonë se kjo mund të përfaqësojë një problem serioz për Europën, pasi megjithëse dimri po mbaron dhe konsumi po ngadalësohet, rezervat e gazit në rajon po pakësohen dhe do të duhet të rimbushen gjatë verës./ CNA