Profesori Kalajxhiev: Artan Grubi është i pafajshëm!

Profesori universitar dhe një nga autoritetet juridike më me kredibilitet në vend, Gordan Kalajxhiev, ka reaguar lidhur me rastet që, sipas tij, janë të montuara gjyqësore, duke theksuar se në këtë kategori hyn edhe rasti i Artan Grubit.

Sipas Kalajxhievit, bëhet fjalë për një proces që ka prapavijë politike dhe që, sipas tij, po vërtetohet çdo ditë e më shumë.

“Rasti i Artan Grubit është i montuar dhe me prapavijë politike”, vlerëson profesori Kalajxhiev, duke theksuar se raste të tilla duhet të denoncohen publikisht dhe pa hezitim.

Në reagim thuhet se duhet të thuhet qartë e vërteta, duke nënvizuar se Artan Grubi është i pafajshëm dhe se, sipas këtij qëndrimi, ai po përballet me sulme dhe përndjekje për shkak të rolit të tij në periudhën kur kishte pozicion ekzekutiv.

Sipas reagimit, gjatë asaj kohe, Grubi kishte treguar potencial në ruajtjen dhe avancimin e të drejtave të shqiptarëve, por edhe në forcimin e shtetit në përgjithësi.

Kjo çështje, sipas këtij qëndrimi, kërkon reagim të fuqishëm publik dhe denoncim të hapur ndaj asaj që konsiderohet si proces politik ndaj ish-zyrtarit të lartë.