Mbi 27 mijë persona u ndalohen hyrja në BE: Implementohet plotësisht sistemi i ri EES

Që nga fillimi i implementimit etapë-etapë të sistemit të ri të kontrollit kufitar në Bashkimin Evropian tetorin e kaluar, mbi 27,000 personave u është refuzuar hyrja në bllok, njoftoi sot Komisioni Evropian.

Mes personave të ndaluar, rreth 700 prej tyre përbënin një kërcënim direkt për sigurinë.

​”Që nga fillimi i zbatimit, janë regjistruar mbi 52 milionë hyrje dhe dalje. Komisioni përshëndet implementimin e plotë të këtij sistemi të ri për hyrje-daljet në BE (EES),” thuhet në njoftimin zyrtar.
​Falë kontrollit të ri të automatizuar, regjistrimi i një udhëtari zgjat mesatarisht 70 sekonda, gjë që përshpejton ndjeshëm procedurat kufitare.
​Çfarë ndryshon me sistemin EES?
​Sistemi i ri sjell disa ndryshime thelbësore në menaxhimin e kufijve:
​Zëvendësimi i vulave: Sistemi zëvendëson vulosjen manuale të pasaportave.
​Të dhënat biometrike: Mundëson regjistrimin e të dhënave personale dhe biometrike për të gjurmuar më lehtë tejkalimet e qëndrimit.

​Kush preket: Rregullat e reja vlejnë për shtetasit e vendeve të treta që nuk janë anëtare të BE-së apo të zonës Schengen (Islanda, Lihtenshtajni, Norvegjia dhe Zvicra).
​Afati: Zbatohet për qëndrime afatshkurtra deri në 90 ditë.
​Edhe pse në fillim të vitit sektori i transportit ajror shprehu pakënaqësi për shkak të vonesave, Komisioni Evropian konfirmoi sot se sistemi është implementuar me sukses në të gjitha pikat kufitare të jashtme të BE-së.