Specializimet e mjekësisë nga 6 bëhen në 5 vjet! Aliu: Do të krijojmë më shpejtë kuadro doktorësh

Reformat e sistemit të specializimit dhe sub-specializimit të fakulteteve të mjekësisë në Shkup, Tetovë dhe Shtip do të fillojnë nga viti i ri akademik, njoftojnë nga Ministria e Shëndetësisë. Nga atje thonë se fokusi kryesor i kësaj reforme është në mjekësinë interne dhe kirurgjinë e përgjithshme. Ministri Azir Aliu tha se analizat kanë treguar se vendi ka specialistë të profilizuar ngushtë me zbatueshmëri të kufizuar në vend.

“Nga ky vit fillojmë, derisa të gjithë studentët që janë në specializim deri në vitin e tretë mund të barten në programin e ri, në kurrikulën e re, derisa ata që janë mbi vitin e tretë të specializimit do të duhet ta kryejnë me programin e vjetër. Për kuadrot deficitare kemi ide të krijojmë ekipe që të mund të funksionojnë kardiologët dhe internistët, normalisht do të fillojmë me mobilitet deri në fazën që ne krijojmë kuadro të reja që do të punojnë me orar të plotë”, tha Azir Aliu, ministër i Shëndetësisë.