Bota e muzikës mban zi, legjenda Aretha Franklin ndërron jetë

Ikona e muzikës ‘soul’ Aretha Franklin ka vdekur, rrethuar nga familja dhe miqtë e saj në shtëpinë e saj në Detroit, pas një beteje të gjatë me sëmundjen. Ajo ishte 76 vjeçe.
Franklin kishte anuluar dy koncerte të planifikuar për në prill dhe mars të këtij viti dhe nuk kishte dalë në publik që kur mori pjesë në festivalin e Elton John AIDS Foundation në Nju Jork nëntorin e kaluar.

Performanca e saj përfundimtare publike ishte në Qendrën Mann në Filadelfia në gusht 2017. Ajo njoftohet se u mposht nga “lodhja dhe dehidratimi” në përfundim të shfaqjes.

Krijuesja e “Respect” luftoi me sëmundjen gjatë viteve të fundit. Në vitin 2011, ajo mohoi raportimet se po vuante nga kanceri i pankreasit, edhe pse më vonë e pranoi se kishte një operacion. Familja e saj ka bërë thirrje për “lutje dhe privatësi” në këtë kohë, raporton Showbiz 411.

Vajza e një Baptisti, Franklin u lind në Memphis, Tenesi më 1942. Familja e saj më vonë u zhvendos në Detroit dhe ajo filloi të këndonte në kishën e babait të saj. Nënë e katër djemve, ajo kishte fëmijën e saj të parë në 1955 dhe të dytin në 1957.