Aktualisht Vetëvendosje ka 56 ulëse në Kuvend, pa votat e Diaspores dhe atyre me kusht

Lëvizja Vetëvendosje aktualisht ka fituar 56 ulëse në Kuvend, pa i llogaritur votat e Diaspores dhe ato me kusht.

Me përfundimin e numërimit të votave të rregullta, formula me të cilën Kuvendi i Kosovës ndan ulëset është “Sainte-Lague”.

Partitë shqiptare luftojnë për 100 ulëse, pasi që 20 ulëse nga 120 sa janë në Kuvend, janë të rezervuara për minoritetet.

Ulëset që mbesin “të zbrazëta” si pasojë e përqindjes së votave që shkon për partitë që nuk kalojnë pragun prej pesë për qind, u ndahen partive parlamentare.

Në përllogaritjen aktuale, përqindja e përbashkët e partive që s’kanë kaluar pragun është mbi 14 për qind. Kjo nënkupton që 14 ulëse do të ndahen për katër partitë që kanë kaluar pragun: VV-në, PDK-në, LDK-në e AAK-në.

Lëvizja Vetëvendosje, që pas numërimit të votave të rregullta ka 47.85 për qind të votave, ka siguruar 56 ulëse në Kuvend.

Partia Demokratike e Kosovës, si e dyta, me 17.4 për qind, ka 20 ulëse. Lidhja Demokratike me 13 për qind do të marrë 15 ulëse, ndërsa AAK-ja do të jetë grupi më i vogël parlamentare me nëntë deputetë