Zaharieva: Bullgaria së shpejti do t’i dhurojë vaksinat Maqedonisë së Veriut

Ministrja e Punëve të Jashtme, Ekaterina Zaharieva tha se së shpejti do t’i dhurojnë Maqedonisë së Veriut vaksinat.

Ajo tha se vonimi vjen për shkak të mekanizmit të Kovaks ku Bullgaria po ashtu është pjesëmarrëse.

“Tani fillon marrja e rregullt me vaksinat nga ana e BE-së dhe shpresoj se së shpejti do ta kemi këtë mundësi. Bullgaria do të çojë vaksina në Maqedoninë e Veriut”, tha Zaharieva.

Ajo shprehu dëshirën që marrëdhëniet mes Bullgarisë dhe Maqedonisë së Veriut të kthehen në normalitet dhe se nëse zvogëlohen emocionet do të gjendet edhe marrëveshje.