Ministrja e Punëve të Jashtme dha dorëheqjen, Haradinaj: Veprim i nxituar

Nënkryetari i Aleancës për Ardhmërinë e Kosovës, Daut Haradinaj, e ka konsideruar si veprim “të ngutshëm“, dorëheqjen e Meliza Haradinaj-Stublla nga posti krye-diplomates si dhe nga AAK. Në një reagim për mediat, Daut Haradianj tha se për Melizën ka respekt për shkak se “është grua e fortë dhe e ndershme”.

“Unë personalisht e çmoj dhe e konsideroj të ngutshëm këtë veprim, por prapë se prapë unë e kam mike atë dhe familjen e saj”- tha ai.

Meliza Haradinaj-Stublla, dha të martën dorëheqjen nga posti i ministres së Jashtme, si dhe nga AAK, parti në të cilën qëndroi se 15 vite.