Kasami uron Kurtin, Kosova para vetes ka shumë sfida

Kryetari i Lëvizjes Besa Bilall Kasami ka uruar Albin Kurtin për zgjedhjen e tij si kryeministër të Kosovës.

“Kam kënaqësinë që në emrin tim personal dhe të Lëvizjes BESA t’ju uroj për detyrën e re juve dhe kabinetit tuaj qeverisës.

Kosova para vetes ka shumë sfida, të brendshme e të jashtme, të cilat shpresoj dhe besoj se do t’i kaloni me dinjitet dhe përpikshmëri.

Ashtu siç jeni deklaruar gjithmonë, e siç keni vepruar si opozitar, shpresoj që tanimë edhe si kryeministër të punoni në interes të Kosovës dhe shqiptarëve”, shkruan Kasami në Facebook.