Në kafene vetëm me dy doza, nga tetori paralajmërohen shtrëngime të reja

Nga një tetori kafen mund ta pini vetëm nëse i keni marrë dy doza të vaksinës anti-covid. Qytetarëve më nuk do t’u lejohet që vetëm me një dozë të vaksinës të frekuentojnë objektet gastronomike, qendrat tregtare, ngjarjet sportive e kulturore si dhe vende të tjera ku ka grumbullime. Këtë e bëri të ditur vetë Ministri i Shëndetësisë Venko Filipçe.

“Një nga masat, e cila me siguri do të rekomandohet, por ne gjithashtu do të lëmë kohë të mjaftueshme për të kaluar, është nevoja për të treguar një certifikatë për të paktën një dozë vaksine, ajo do të rritet në një certifikatë për qytetarët plotësisht të vaksinuar, e cila tani kërkohet për hyrje në ngjarje, objekte hotelierike etj. E kjo do të jetë diku në tetor”, tha ministri i Shëndetësisë, Venko Filipçe.

Virusi po përhapet në mesin e të pavaksinuarve tha Filipçe. Mbi 90 për qind e të gjitha rasteve të vdekjes janë tek persona të pavaksinuara. Ndërkaq nuk dihet se si do të jetë periudha në vijim, a do të shuhet kjo valë e katërt apo do të ketë rritje të rasteve të të infektuarve me Covid-19.

“Në ditët e kaluara, është vërejtur nja nivel, kështu që numri i rasteve të sapo diagnostikuar është afërsisht i njëjtë pas atyre trendeve kur çdo ditë kishte një rënie nga një mijë deri në qindra në ditë. Tash më disa ditë është nga 500-600 të diagnostikuar në ditë. Tani është vërtet e vështirë të thuhet nëse ky nivel do të imitojë situatën midis dy valëve të mëparshme apo do të ketë një rënie të mëtejshme të rasteve pas kësaj. Për këtë arsye po bëhet një analizë e detajuar”, shtoi Filipçe.

Nga popullsia e përgjithshme në vend, 37% janë vaksinuar, që sipas Ministrit të Shëndetësisë është një përfshirje e vogël dhe nevojitet një proces shumë më i madh për të arritur imunitetin kolektiv dhe për të ndryshuar situatën me epideminë. Edhe situate nëpër qendrat kovid është konstante dhe ka shtretër të lirë deklaroi ministri./TV21