Kaos dhe dhunë, gjithçka ndodhi gjatë 3 orëve të përballjes për godinën e PD (Video)
Xhama të thyer, selia e PD “skenë krimi”, ja çfarë ka mbetur pas protestës
Larg imagjinatës, selia e Partisë Demokratike pas protestës së thirrur nga ish kryeministri Sali Berisha u kthye në skenë krimi.
Fortesa e PD-së ishte e rrethuar në të katërta anët e saj. Protestues dhe policisë. Këta të fundit qëndruan në gadishmëri disa metra lart selisë blu. FNSH dhe RENEA u pozicionuan në perimetrin mes Parlamentit dhe Akademisës së Shkencave, rrugë që të çojnë drejt selisë së PD-së.
Aty qëndronte e parkuar edhe makina e Lulzim Bashës. Garda e Republikës kishte bërë gati një plan për evakuimin e tij, në rast se do të ishte e nevojshme, duke përdorur një rrugë të sigurt kalimi mes PD-së dhe Parlamentit.
Rreth 60 minuta pas tentativave të protestuesve për të deportuar në zyrën e kreut aktual të PD-së, Lulzim Basha së bashku me deputetët e tij kërkuan ndihmën e policisë për t’u mbrojtur nga demokratët e tjerë protestues, me argumentin se u rrezikohej jeta.
Shtëllungat e gazit lotësjellës dhe botet me ujë të hedhura nga policia, shpërndanë protestuesit.
Ndërhyrja e bluve u bë në pjesën e pasme ku ishte pozicionuar më herët policia, në pritje të sinjalit të Lulzim Bashës, sipas drejtorit të Policisë së Tiranës.
Selisë iu vendos shiriti i verdh. Për dsa orë me radhë, grupi hetimor mblodhi provat në vendngjarje. Shenja gishtash, serverin e kamerave të sigurisë, si dhe çdo provë që do të identifikojë protestuesit që shkaktuan dhunë. Hetimet do të kryhesohen nga kryepropkuroria e Tiranës Elisabeta Imeraj dhe prokurori Elio Mazreku.
Por, në një kohë që hetuesit mbidhnin provat, Sekretari i Përgjithshëm i PD-së, Gazmend Bardhi, i kërkonte policisë të lejonte mediat të filmonin brenda selisë. Ky veprim nuk u pranua prej tyre për aq kohë sa e konsideronin skenë krimi.
Nga përplasjet dhe sendet e forta u lënduan disa protestues, një pjesë e tyre përfunduan në spital. Mbi 30 protestues u shoqëruan në polici, si persona që kryen akte dhune e shkatërrim prone. Ndwrsa të paktën 10 të shoqwruar të tjerw janë mbështetës së Bashës e ndodheshin brenda selisë së PD-së./abcnews.al
