Sekuestrohen aparate për prodhimin e kriptovalutave në Lipjan
Drejtoria Rajonale e Policisë së Prishtinës, përkatësisht hetuesit e stacionit policor të Lipjanit, kanë realizuar një operacion bastisjeje i cili ka rezultuar me gjetjen e aparaturave për prodhimin e kriptovalutave.
Njoftimi nga Policia e Kosovës:
Gjetja dhe sekuestrimi i aparateve për prodhimin e kriptovalutave
Prishtinë, 01 shkurt 2022 – Drejtoria Rajonale e Policisë së Prishtinës, respektivisht hetuesit e stacionit policor të Lipjanit pas marrjest së informatave në rrugë operative, kanë realizuar një operacion bastisjeje i cili ka rezultuar me gjetjen e aparaturave për prodhimin e kriptovalutave.
Oepracioni është zhvilluar në rrugën “Mbreti Zog” në komunën e Lipjanit, me ç’rast janë sekuestruar 127 kartele grafike të vendosura në 22 korniza.
Në vendin e ngjarjes përveç zyrtarëve të KEDS–it, janë ftuar edhe zyrtarët doganor, për të proceduar më tej me rastin.
