Nga java tjetër presim çmime dukshëm më të lira të derivateve të naftës, tha Bekteshi

Ministri i Ekonomisë, Kreshnik Bekteshi në konferencën e sotme për shtyp ka bërë të ditur se nga java e ardhshme Komisioni Rregullator i Energjisë do të fillojë të marrë vendime që do të ulin çmimin e derivateve të naftës. Bekteshi tha kjo pritet pasi të miratohet ligji për TVSH dhe ligjit për akcizën në Kuvend dhe duke marrë parasysh çmimin në bursat butërore.

“Sot në Kuvend me gjasë do të duhet të miratohet ligji për TVSH dhe për akcizën. Duke pasur parasysh çmimet e djeshme në bursë dhe çmimin e 2 ditëve më parë, sipas analizave presim nga nesër dhe është shumë e rëndësishme të theksohet se nga e hëna do të kemi jo çmime më të lira nga rajoni, por çmime dukshëm më të lira nga rajoni”, tha Bekteshi.