Shqiponjat e Zvicrës nuk kanë të ndalur, kualifikohen në 1/8 e finales (VIDEO)
Zvicra e Xherdan Shaqirit, Valon Behramit, Granit Xhakës dhe Blerim Xhemajlit është në 1/8 e finales edhe pse barazoi sonte kundër Kosta Rikës më rezultat 2-2
Zvicra është në 1/8 e finales!
Barazimi i sotëm me Kosta Rikën ka dërguar shqiptarët e Zvicrës përsëri në 1/8 e finales derisa zviceranët do të kenë punë me suedezët në këtë fazë të Botërorit.
Kostarikanët e filluan shumë më mirë këtë ndeshje duke bërë presion dhe goditur shtyllën e Sommer disa herë.
Por, ishte Zvicra që kishte shënuar përsëri gol në minutën e 31, ku Blerim Xhemajli shënoi gol.
Në pjesën e dytë Kosta Rika prapë filloi furishëm dhe arriti të shënoi në minutën e 55 pas një ndërprerje. Shënoi Watson.
Deri në minutat e fundit ndeshja ishte e qetë por në fund u shënuan edhe dy gola.
Fillimisht shënoi Drmic në minutën e 88’të, por Kosta Rika fitoi një penallti në minutat shtesë ku portieri Sommer shënoi autogol pas kthimit të topit nga shtylla.
Me këtë barazim Zvicra kalon në 1/8 e finales më 5 pikë, ku do të përballet me Suedinë, një test i rëndë ky për zvicrën por që edhe kualifikimi në çerekfinale nuk është i pamundshëm.
