Presidenti i Barcelonës: Dua që ky vit të jetë historik për ne

Presidenti i Barcelonës, Josep Maria Bartomeu, është shprehur shumë ambicioz dhe ka thënë se këtë sezon, klubi i tij synon t’i fitojë të gjitha trofetë e mundshme.

Barcelona kishte fituar dy trofe sezonin e kaluar, La Ligën dhe Copa Del Rey, por këtë vit presidenti i klubit pret edhe më shumë nga klubi i tij, përcjell Gazeta Express.

“Ne po hyjmë në sezonin e ri shumë të emocionuar dhe me pritshmëri të larta. Gjëja e parë që dua të bëj është të theksoj vlerën e asaj që bëmë ne vitin e kaluar, kur fituam La Ligës për të shtatën herë në dhjetë vite”, ka thënë Bartomeu.

“Tani, duhet të fitojmë gjithçka këtë sezon, të arrijmë të gjitha finalet dhe t’i fitojmë ato. Filluam me Superkupën e Spanjës, e cila ishte një fitore e merituar kundër një skuadre të mirë. Ajo e bëri Lionel Messin lojtarin me më së shumti trofe në historinë e Barcelonës”.

“Ne duamë të fitojmë gjithçka dhe jo vetëm në futboll, por në të gjitha sportet në të cilat garojmë. Dua që ky vit të jetë historik për ne. Kemi filluar me fitore dhe shpresoj se do ta përfundojmë mirë”.