Flet Vasfije Krasniqi-Goodman pas kandidimit për deputete

18/01/2021 admin

Shpërndaje

Vasfije Krasniqi-Goodman, zëri i vik*timave të dhu*nës sek*suale gjatë luftës së fundit në Kosovë e cila do të kandidojë për deputete në listën e Lëvizjes Vetëvendosje është deklaruar për herë të parë pas kandidimit.

Me anë të një postimi në Facebook ajo thotë se kandidon për një ulëse në Kuvendin e Kosovës në mënyrë që edhe më aktivisht t’përfaqësoj të mbijetuarat/it e dhu*nës sek*suale nga lufta e fundit në Kosovë.

“Asnjëherë në jetën time nuk e kam menduar këtë moment, madje as para pak ditësh, por sot është një moment i ri në jetën time, tani i kam vënë vetes një detyrë e që nuk është e lehtë aspak për mua”.

“Siç edhe e keni kuptuar unë do të kandidoj për një ulëse në Kuvendin e Republikës së Kosovës në mënyrë që edhe më aktivisht t’përfaqësoj të mbijetuarat/it e dhu*nës sek*suale nga lufta e fundit në Kosovë”.

“Përfaqësimi i një kategorie të tillë në tempullin e demokracisë do të jetë sfid dhe nder për mua, sfidë sepse kërkon sforcim shpirtëror e emocinal, e nder sepse përmes këtij përfaqësimi unë do të punoj me dëshirën ma t’madhe, dhe ju e dini përse!”

“Këtë garë unë kam vendosur ta bëj duke hyrë në listën e kandidatëve për deputet në subjektit Vetëvendosje. Falënderoj secilin nga ju që në një mënyrë apo tjetër më keni mbështetur dhe më mbështesni”, shkruan ajo, transmeton Klan Kosova.

You May Also Like