Seanca për formimin e Qeverisë mbahet sot në orën 16:00

Pas seancës konstituive të legjislaturës së VIII-të të Kuvendit të Kosovës, sot sërish pritet të mbahet një seance e re ku pritet të formohet Qeveria e re e Kosovës.

Siç merr vesh Telegrafi, seanca pritet të mbahet sot në orën 16:00, ndërsa para mbajtjes së seancës do të mblidhet Kryesia e Kuvendit të Kosovës.

Ndryshe, sot u bë konstituimi i legjislaturës së VIII-të të Kuvendit të Kosovës, ku në krye të saj u zgjodh Glauk Konjufca nga radhët e Lëvizjes Vetëvendosje (LVV).