Pamje nga veriu: Kështu po patrullon KFOR pas tërheqjes së Njësisë Speciale

Trupat e KFOR-it po vazhdojnë patrullimin në pjesën veriore të Kosovës, pas tërheqjes së Njësisë Speciale të Policisë së Kosovës.

Në pamjet e publikuara në rrjetet sociale, shihen pjesëtarët e KFOR-it në mbikqyrje të situatës në rrugët që të dërgojnë për në pikat kufitare në Bërnjakë dhe Jarinjë.

Pjesëtarët e KFOR-it janë vendosur në veri pas vendimit të Qeverisë së Kosovës për tërheqjen e Policisë së Kosovës, vendim ky që erdhi pas marrëveshjes së arritur mes Kosovës e Serbisë në Bruksel në lidhje me targat, shkruan lajmi.net.

Me marrëveshjen e arritur, palët janë pajtuar që nga pikat kufitare në Bërnjakë dhe Jarinjë të largohen bllokadat e vendosura nga protestuesit serb e pastaj të largohet edhe Njësia Speciale e Policisë së Kosovës.