Mickoski nuk e ka problem të bëjë koalicion me BDI-në në qeverinë e re

Të hënën, kryetari i VMRO-DPMNE-së, Hristijan Mickoski, pret dorëheqjen e Zoran Zaev nga posti i kryeministrit, e nëse kjo nuk ndodh, paralajmëroi se do të fillojë procesi i mocionit të mosbesimit. Ai theksoi se nuk ka mundësi për qeveri teknike, por vetëm qeveri politike. Sipas tij, po ushtrohet presion mbi 61 deputetë të cilët kanë nënshkruar se do të votojnë kundër qeverisë së LSDM-së dhe BDI-së transmeton TetovaSot .

“Me sa di unë po ushtrohet presion i ashpër ndaj disa prej këtyre personave që kanë firmosur dje këtë nismë. Për momentin nuk kam asnjë informacion se dikush ka hezituar dhe ka lënë këtë dokument. Presim një orë më parë dorëheqjen e Zaevit. “Duke ditur metodat e kësaj qeverie, asgjë nuk më habit”, tha Mickoski.
I pyetur nga një gazetar se a ka gjasa që qeveria e ardhshme të jetë sërish me BDI-në, duke pasur parasysh të majtën, por edhe përballjen e tyre me partitë shqiptare, Mickoski tha: “Shumë supozime që ishin në opinion këtë apo atë, ishin të gabuara. Nuk do ta kisha marrë me mend, nuk është koha për triumfalizëm. Të punojmë në heshtje, të mos i rëndojmë qytetarët me gjimnastikën tonë politike, por të paraqesim vetëm një tablo të qartë, ta paraqesim atë. Shumë gjëra ishin të pamundura në të kaluarën, por e patë të ndodhte. E patë që ndodhi edhe në zgjedhjet lokale. Lëreni kohën të tregojë se cili nga këto dy opsione do të jetë realitet. Një nga opsionet është një Qeveri në të cilën do të punojmë mbi parimet bazë, por që kjo të ndodhë duhet të flasim. Është e qartë se 61 deputetë kanë nënshkruar një gjë, se Qeveria e LSDM-së dhe Zoran Zaevit nuk ka kredibilitet dhe legjitimitet. “Dua të kem një qeveri politike që ka legjitimitet të plotë”.