Kurtit dhe kryediplomates së Australisë i vendoset një xham në mes gjatë takimit në Munih

Shpërndaje

Kryeministri i Kosovës, Albin Kurti, ka takuar ministren e Jashtme të Australisë, Marise Payne, në Konferencën e Sigurisë në Munih.

Si rezultat i gjendjes me Covid-19, si masë mbrojtëse ishte vendosur një xham që ndante tavolinën mes tyre.

Kurti përmes një postimi në Twitter njoftoi se me Payne ka biseduar rreth situatës në Ukrainë.

Gjithashtu, kryeministri se të dy dyja palët diskutuan rreth rëndësisë së NATO-s për rajonin dhe Ballkanin Perëndimor.

“Dy vendet tona janë larg nga distanca, por të lidhura me vlera të përbashkëta. Kisha kënaqësinë të takohem me Ministren e Jashtme të Australisë, Marise Payne. Në takim diskutuam marrëdhëniet dypalëshe dhe situatën në Ukrainë që na shqetëson të gjithëve. Të dy ramë dakord për rëndësinë e NATO-s për rajonin e Ballkanit Perëndimor”, ka shkruar Kurti.