Dimër i vështirë? Komisioni Europian prezanton masat e reja, Von der Leyen: Ulni ngrohjen me 1°C dhe do të kursejmë 7% energji
Presidentja e Komisionit Europian, Ursula von der Leyen ka prezantuar sot një pjesë të masave të propozuara nga Komisioni për vendet anëtare të BE-së.
Ky dimër parashikohet të jetë i vështirë, duke pasur parasysh pasojat e luftës në Ukrainë dhe faktin që Moska po përdor gazin si mjet shantazhi.
“Nëse qytetarët e Bashkimit Evropian ulin ngrohjen e tyre në dimër me 1 gradë Celsius, atëherë kjo do të ndihmojë Bashkimin të kursejë rreth 7% në përdorimin e energjisë për një vit”, ka shkruar ajo në një postim në Twitter.
Across the EU smart ways to save energy are being introduced.
Slightly higher temperatures for air conditioning, for example, bring impressive results.
Good that Member States like 🇪🇸🇨🇿🇸🇮 are including such measures in their plans.
Together, we save energy for a safe winter. pic.twitter.com/ZxEKP6z6Cd
— Ursula von der Leyen (@vonderleyen) August 17, 2022
Ajo shtoi se rezultate mbresëlënëse në kursimin e energjisë jep edhe rritja e vogël e temperaturës gjatë ftohjes së dhomave në muajt e verës, duke theksuar se në të gjithë BE-në aplikohen mënyra inteligjente të kursimit të energjisë.
Von der Leyen madje iu referua masave të kursimit që Komisioni po ndjek në ndërtesat e veta.
“Për shembull, ne mbyllim ngrohjen dhe ftohjen në shumicën e ndërtesave 1 orë më herët se më parë, duke kursyer 3% të përdorimit vjetor të energjisë. Po mbyllim edhe disa ndërtesa për verën dhe po lehtësojmë punën në distancë”, deklaroi ajo.
Kujtojmë se në fund të korrikut, Komisioni Evropian propozoi objektivin për uljen e kërkesës për gaz me 15% nga vendet e BE-së deri në fund të marsit të vitit të ardhshëm.
Lowering the heating temperature at home by just 1°C can save around 7% in energy use over a year.
I’m encouraged to see that several 🇪🇺 Member States – like 🇪🇸🇨🇿🇮🇹 or 🇳🇱 – are introducing measures to optimise heating.
This will help us meet our joint target of 15%, together. pic.twitter.com/i4238lHURh
— Ursula von der Leyen (@vonderleyen) August 17, 2022
