Marzhe të kufizuara edhe për prodhimet e qumështit
Qeveria e Republikës së Maqedonis së Veriut në mbledhjen e sotme të 87-të solli Vendim për plotësim të vendimit për kushte të posaçme për tregtimin e disa mallrave të veçanta, me çka, me propozim të Ministrisë së Ekonomisë, ngrihet marzha edhe për prodhimet e qumështit: gjizës, djathit të bardhë të lopës dhe djathit të bardhë të përzier, kaçkavalit, kosit, ajkës dhe jogurtit. Për këto prodhime kufizohet marzha më e ulët tregtare deri dhjetë për qind në tregtinë me shumicë dhe tregtinë me pakicë. Gjatë kontrollit të rregullt të Inspektoratit shtetëror të tregut në tregtinë me pakicë dhe tregtinë me shumicë, sipas Informatës nga Ministria e Ekonomisë, është cekur nevoja për intervenim tek mallrat e cekura, për shkak të rritjes së çmimeve të tyre. Siç është bërë e ditur, nga 14 qershori i vitit 2022, është konstatuar ngrirja e marzheve të prodhimeve themelore ushqimore: bukës (së bardhë), sheqerit (të bardhë), vajit ushqimor të lulediellit, miellit të grurit (lloji 400 dhe lloji 500), makaronave dhe spagetave nga gruri i fortë, orizi i bardhë i vendit dhe qumështit të qëndrueshëm të lopës me yndyrë prej 2.8 për qind, 3.2 për qind dhe 3.5 për qind, me marzhë tregtare të vlefshme deri më 31 dhjetor 2022”
Në mbledhjen e Qeverisë, e cila u mbajt sot pasdite përmes komunikimit me video-konferencë, është marrë Vendimi për ndërprerjen e vlefshmërisë së Vendimit për kufizimin e eksportit të mallrave të caktuara. Vendimi për kufizimin e eksporteve kishte të bënte me grurin dhe shkrifën, grurin dhe miellin dhe farat e lulediellit (të thyera ose të grimcuara). Në propozimin e Ministrisë së Ekonomisë për përfundimin e vlefshmërisë së tij, miratoi, siç tregohet, në bashkëpunim me Ministrinë e Bujqësisë, Pylltarisë dhe Ekonomisë të Ujërave, plotësohet dhe Marrëveshja për Mekanizmat e Sigurisë Ushqimore në Ballkanin Perëndimor, e nënshkruar më 2 shtator, Viti 2022, në Samitin e Ballkanit të Hapur, të mbajtur nga 1-4 shtator 2022 në Beograd, me qëllim që të mos ndalohet tregtia e produkteve bazë bujqësore dhe ushqimore.
