Edhe në fundvit, Shkupi në mesin e 10 qyteteve më të ndotura në botë

Shkupi ishte në mesin e dhjetë qyteteve botërore me ajrin më të ndotur pasditen e sotme, në fund të ditës së fundit të vitit 2022. Rreth orës 16:00 ishte në vendin e tetë, dhe rreth orës 17:00 ishte në vendin e 9-të sipas shkallës së ndotjes. Instrumentet matëse në faqen ndërkombëtare të internetit IQAir matën një indeks të ndotjes së ajrit prej 174 dhe ajri u etiketua “i pashëndetshëm”. Në botë, ajrin më të ndotur e kanë thithur banorët e Ulaanbaatar të Mongolisë, ku ka pasur një indeks 477.

Sot pasdite, në Shkup ka pasur zona ku ajri ishte tepër i rrezikshëm për t’u marrë, si një lokacion në Komunën e Kisella Vodës ku indeksi është matur 301! Rektorati Kar në qendër të Shkupit ndotja ishte 186, në Novo Lisiçe 182, në Karposh 4 – 178, në Gjorçe Petrov 165 etj.