Lënda për Mijallkovin rrezikon vjetërsimin

Me shumë gjasa lënda për Sasho Mijallkov për përgjimin e paligjshëm do të vjetërsohet thonë nga koalicioni “Të gjithë për gjykim të drejtë”. Sipas monitorimit të bërë është vërtetuar se lënda shumë gjatë është mbajtur në gjykatën e Apelit. Sipas tyre shfuqizimi i aktgjykimit të shkallës së parë dhe kthimi nga e para e lëndës, do të ndikojë në vjetërsimin e lëndës. Vendimi për anulimi të dënimit është marrë nga Këshilli i Gjyqtarëve i kryesuar nga Jani Niça, dhe anëtarët e tjerë Enver Bexheti, Gjoko Ristov, Lidija Çaçeva dhe Tanja Mileva.

“Lënda ishte e ndarë si e tillë për shkak të zgjatjes jo normale të procedurës në shkallën e dytë, gjegjësisht pothuajse 2 vite ishte kjo lëndë para gjykatësve të Apelit dhe menduam se është e rëndësishme të theksohet si lëndë, të tregohet dinamika e refuzimit të së njëjtës sepse sidomos tani me aktvendimin e tillë të Apelit dhe kthimit të lëndës, mund të presim se përsëri së do të ketë një procedurë të stërzgjatur dhe ka rrezik të vjetërsimit”, tha Darko Avramovski, koalicioni “Të gjithë për gjykim të drejtë”.