Zhurmë e madhe në Prishtinë, zbulohet shkaktari (Video)

Disa zëra të pazakontë dyshohet se janë dëgjuar sonte në Prishtinë, raporton AlbaZone Media.

Sipas videove dhe përshkrimeve të qytetarëve nëpër rrjete sociale, zhurma e çuditshme është dëgjuar 3-4 herë nga 30-40 sekonda, çdo 2-3 minuta.

Zbulohet shkaktari i zhurmës së madhe që u dëgjua mbrëmë në Prishtinë

Një zhurmë e çuditshme është dëgjuar në orët e vona të së dielës në Prishtinë. Sipas asaj që thuhej në rrjetet sociale, kjo zhurmë ishte aktivizuar dy-tri herë, në periudha të caktuara, por jo pandërprerë.

Shumë qytetarë u frikësuan dhe nisën hamendësimet se çfarë mund të ketë qenë ajo zhurmë.

Pas disa orësh shqetësim, kjo zhurmë u zbulua se ka ardhur nga një avari në njërin nga termocentralet e Korporatës Energjetike të Kosovës.

Këtë e kanë konfirmuar për Sinjalin edhe nga KEK-u, me ç’rast u bë e ditur se kjo zhurmë është e zakonshme në këto raste.