Gjest madhështor i lokes së pasur 83 vjeçare nga Veleshta, tërë pasurinë ia dhuroi vakëfit

Lokja 83 vjeçare nga Veleshta e Strugës, Fikrije Nasufi ka zgjedhur ditën e sotme-ditë e Xhuma për të bë një vepër me të cilën e mahniti popullatën e asaj ane, por edhe më gjerë.

Ajo ka nënshkruar te avokati se tërë pasurinë e saj ia dhuron vakëfit të Strugës, shkruan Lideri.mk. Avokati Besnik Asani nga Struga, thotë se bëhet fjalë për pasuri të madhe, duke shtuar se vlera e saj në treg konsiderohet mbi 50 mijë euro.

“Punë që e bëj me kënaqësi. Sot gjyshja Fikrije Nasufi dhuroi pronën e saj vakëfit. Prona ka vlerë të madhe. Te gjyshja Fikrije pash një bidje të plotë dhe besim të fortë në Zot. Zoti e shpërbleftë me të mira pa fund!”, ka shkruar avokati Asani, duke shprehur mahnitjen e tij nga ky gjest madhështor i lokes veleshtare.

Asani për Lideri.mk ka thënë se lokja Fikrije Nasufi, përkrahje për këtë gjest ka pasur nga djemtë e saj, nipat, mbesat e nga tërë familja.