Mexhiti: A do t’i kthehet pasaporta Gruevskit?

Vijojnë reagimet e ashpra nga partitë në opozitë lidhur me ndryshimet në Kodin Penal. Kryetar i Lëvizjes Demokratike Izet Mexhiti pyet se A është e vërtetë që Nikolla Gruevskit do t’i kthehet pasaporta javën e ardhshme, sepse me ndryshimet në Kodin Penal ai automatikisht lirohet nga përgjegjësia për rastin TNT dhe TRAJEKTORJA, ndërsa për krimet e tjera për të cilat është dënuar do t’i lejohet përsëritje e procedurës penale?

Kreu i Alternativës Afrim Gashi, thotë se opinioni pret përgjigje nëse Ali Ahmeti i ka lutur ndërkombëtarët gjatë një takimi në Shkup që të lejojnë amnistinë e Nikolla Gruevskit? Ndërkaq kreu i Lëvizjes Besa, Bilall Kasami gjithashtu shtron dilemën nëse projekti milionësh “ALUMINA” nyja lidhëse e gardës së vjetër politike në RMV në përbërje me Ali Ahmetin, Artan Grubin, Nikolla Gruevskin dhe Sasho Mijallkovin me kumbar Ismail Jaoskin – Pucko Petrol?” /Alsat.mk