Shkolla e Velesit, s’ka mësim për nxënësit shqiptarë, 16 prej tyre mbeten në korridoret e shkollës

16 nxënësit shqiptarë të Velesit u bën lojë ping-pongu mes gjimnazit “Koço Racin”, Komunës së Velesit dhe Ministrisë së Arsimit për atë se kush po refuzon pranimin e tyre në gjimnaz. Kështu vlerësojnë prindërit duke shtuar se edhe sot fëmijët nuk nisën me mësim pavarësisht që për disa orë qëndruan në objektin e gjimnazit. Siç thanë prindërit, tashmë nuk besojnë në asgjë që premtohet nga institucionet përkatëse.

“Sot ishin fëmijët aty, kanë prit jashtë, pas dy orësh I kanë thir brenda dhe u kanë thënë kot që rrini këtu jashtë kur nuk ka asnjë letër të shkruar nga Ministria e Arsimit. Kur të mbrrij letra nga Ministria e Arsimit do ju thërrasim në telefon. Nuk di më kujt ti besoj, as atyre në Shkup e as në Veles. Të gjitha dolën gënjeshtra, ishte fjalë për sot jë javë nuk u bë asgjë. Janë tu prit fëmijët ama nuk besoj më asgjë, kur të dal rezultati e shohim,” u shpreh Rexhep Zeqiri, prind.

Ministri i Arsimit, Jeton Shaqiri tha se nuk do të kursej marrjen e ingerencave ndaj komunës së Velesit në rast se vazhdon të refuzohet vendimi i Ministrisë për pranimin e nxënësve në këtë gjimnaz. Shaqiri tha se llogari për refuzimin pritet të japin nesër në ministri drejtuesit e institucioneve përkatëse.

“Nuk do ta kursej dhe në këtë rast nesër janë thirur në këtë takim për arsye sepse do të duhet të zgjidhet me çdo kusht, në të kundërtën do të veprohet ashtu si te rasti I shkollës tjetër në Veles për mos e përmendur rastin e Tetovës. Një ndër arsyet e mos marrjes së ingerencave në këtë situatë në të cilën bisedojmë është sepse nga gjithë kounikimet që kemi do të duhet të angazhohet dikush që të zgjedh problematikën konkrete në Veles,” deklaroi Jeton Shaqiri, ministër I Arsimit.

Nxënësit shqiptarë të gjimnazit “Koço Racin” në Veles kanë protestuar për disa ditë radhazi për shkak të mos-hapjes së paraleles së dytë më mësim në gjuhën shqipe për nxënësit e vitit të pare në të cilën duhet të përfshihen 16 fëmijët e mbetur pa mësim. Në gjimnazin “koço Racin” nga viti i parë deri në atë katërt mësojnë mbi 80 nxënës shqiptarë të cilët pjesën më të madhe të lëndëve i ndjekin në gjuhen maqedonase pavarësisht që janë paralele shqipe. /alsat.mk