Reshjet e dendura të borës, KEDS me njoftim për situatën e rrjetit elektrik
Bora ka mbuluar Kosovën, ashtu siç kishin paralajmëruar meteorologët ditë më parë.
Ndërsa janë shkaktuar disa dëme, kryesisht në shtylla dhe në përçues elektrikë duke bërë kështu që të ketë probleme me furnizim të rregullt me energji elektrike.
KEDS ka njoftuar se distriktet më të prekura janë Ferizaj, Prishtina, Mitrovica dhe Prizreni.
“Ekipet e KEDS-it gjenden në terren dhe po punojnë pandërprerë në mënyrë që ta kthejnë në normalitet gjendjen me furnizim me energji elektrike. KEDS kërkon mirëkuptim nga konsumatorët dhe i siguron që në një afat sa më optimal do të rikthehet furnizimi i rregullt me energji elektrike”, thuhet në njoftim.
