KSHZ-ja i ka miratuar ndryshimet dhe plotësimet e Regjistrit të radiodifuzuesve, media të shtypura dhe media elektronike dhe internet portale
Komisioni Shtetëror i Zgjedhjeve (KSHZ) në seancën e sotme të 86-të, unanimisht i miratoi ndryshimet dhe plotësimet e Regjistrit të radiodifuzuesve, mediave të shkruara dhe mediave elektronike dhe internet portaleve, për zgjedhjen e presidentit të republikës, si dhe për zgjedhjen e deputetëve në Parlament.
“KSHZ-ja, në pajtim me nenin 76gj, në afatin e paraparë ka parashtruar kërkesë tek mediat e shkruara, radio dhe internet portalet për dorëzimin e listave të korrigjuara të çmimeve dhe ato kanë dorëzuar çmimore të korrigjuara brenda 72 orëve nga marrja e njoftimit dhe unë propozoj që regjistri të ndërrohet me këto televizione – Kanali televiziv Vis dhe Televizioni 3 Shkup. Po ashtu radiostacionet që kanë ndryshuar çmimoret në përputhje me Kodin zgjedhor – Radio 99 Shkup, Radio Zona M1, Radio Kavadar, si dhe internet portalet Tajmbalkan.com, infozona.mk dhe skopjeinfo.mk. Duhet të modifikojmë dy regjistrat me këta shpërndarës”, tha nënkryetarja e KSHZ-së, Ditmire Shehu, pas së cilës ata u miratuan nga anëtarët e Komisionit.
Anëtari i KSHZ-së Boris Kondarko raportoi se KSHZ-ja do të zbatojë dispozitat e fundit të ndryshimeve në Kodin zgjedhor, konkretisht për të drejtën e votës të personave që mbushin 18 vjeç, përkatësisht për rëndësinë e dokumenteve të identifikimit gjatë votimit.
Ai informoi se KSHZ-ja sot në ueb faqen e tyre do të publikojë një njoftim lidhur me këto ndryshime dhe se, siç tha ai, do të jetë pjesë e udhëzimeve të tyre për përcaktimin e identitetit të votuesve, sipas të cilit KSHZ-ja do të zhvillojë trajnim të detyrueshëm për të gjithë anëtarët e këshillave zgjedhore që do të zhvillojnë votimin, pra që do të kryejnë identifikimin e qytetarëve.
Kryetari i KSHZ-së, Aleksandar Dashtevski, në fund të seancës përkujtoi se ende është duke u zhvilluar kontrolli publik i listës zgjedhore dhe u bëri thirrje qytetarëve që ta kontrollojnë listën zgjedhore.
Inspektimi i listës zgjedhore përfundon më 18 mars dhe deri më tani kanë kryer kontrollë rreth 4000 qytetarë.
Njofttimi i plotë: Njoftim nga seanca e tetëdhjetë e gjashtë e Komisionit Shtetëror të Zgjedhjeve, e mbajtur më 13 mars 2024
