Fitoi zgjedhjet parlamentare/ Radev mandatohet për të formuar qeverinë e re në Bullgari
Presidentja e Bullgarisë, Iliana Iotova, mandatoi këtë të enjte Rumen Radev për të formuar një qeveri të re si kryeministër. Kjo pasi partia e tij, Bullgaria Progresive, fitoi bindshëm zgjedhjet parlamentare që u zhvilluan në muajin prill.
Partia e euroskeptikut Radev fitoi 44.6% të votave në zgjedhjet e 19 prillit, duke i dhënë asaj shumicën e vendeve në legjislaturën me 240 vende.
Radev dha dorëheqjen nga detyra si president i vendit, me rol kryesisht ceremonial në Bullgari, në muajin janar për të garuar për kryeministër, pasi protestat masive për korrupsion dhe rritjen e kostove të jetesës çuan në rrëzimin e qeverisë në dhjetor.
