Lufta na ka kushtuar mbi 500 miliardë dollarë deri më tani, thonë në Ukrainë

Lufta e Rusisë ndaj Ukrainës i ka kushtuar kësaj të fundit 564.9 miliardë dollarë deri më tani për sa i përket dëmtimit të infrastrukturës, humbjes së rritjes ekonomike dhe faktorëve të tjerë, sipas ministres së ekonomisë së Ukrainës.

Luftimet kanë dëmtuar ose shkatërruar 8,000 kilometra rrugë dhe 10 milionë metra katrorë banesa, tha Yulia Svyrydenko në një postim në mediat sociale, raporton BBC, transmeton Klankosova.tv.

Rusia vazhdon të thotë se po kryen një “operacion special ushtarak” në Ukrainë me qëllim të çmilitarizimit të vendit.

Ukraina dhe aleatët e saj perëndimorë kanë thënë se ky tregim është një justifikim për një pushtim të paprovokuar.