Kurti-serbëve të Kosovës: S’jam kryeministër kundër juve, por Beogradi është kundër meje!

Pas vendimit që serbët e Kosovës të largohen nga të gjitha institucionet ka reaguar kryeministri i vendit, Albin Kurti.

Kurti në reagimin e tij ka thënë se çështja nuk është tek targat por diku tjeter nga Lista Serbe.

“Përfaqësues të Listës Serbe para një jave kanë thënë që do të organizojnë rezistencë të ashpër kundër gjobave. Mirëpo, nuk e pritën 21 nëntorin: Beogradi nisi kërcënimet dhe përgatitjet për destabilizimin e Kosovës. Prandaj, diçka tjetër është në pyetje”

Tutje kryeministri Kurti i ka ftuar të gjithë qytetarë serb në Kosovë që të ruajnë qetësinë, paqen dhe sigurinë.

“Unë nuk jam kryeministër kundër juve, por Beogradi është kundër meje. Unë jam kryeministër që do t’ju shërbej duke respektuar kushtetutshmërinë dhe ligjshmërinë e Republikës së Kosovës” shkruan Kurti në reagimin e tij raporton albazone media.