Mickoski: Kam 61 deputetë për ta rrëzuar qeverinë, lirimi i rrymës është gënjeshtër

Lideri i VMRO-DPMNE-së nuk heq dorë nga kërkesa për zgjedhje të parakohshme parlamentare në maj të vitit të ardhshëm. Mickoski është optimist se në janar do të ketë një shumicë të re parlamentare prej 61 deputetësh që do ta shpërndajë kuvendin. Beson se disa nga deputetët e BDI-së dhe LSDM-së janë nën presion. Megjithatë, nuk zbulon detaje nëse dhe me kë është diskutuar.

“Gjithnjë e më e zëshme është pakënaqësia në radhët e grupeve parlamentare të partive që e mbështesin këtë qeveri. Para se gjithash e kam fjalën për BDI-në dhe LSDM-në. I inkurajuar nga këto sinjale që po i marr nga deputetë të BDI-së dhe LSDM-së mendoj se këtë vit do të gjenden 61 deputetë që do votojnë për shpërbërjen e parlamentit e do kemi zgjedhje të parakohshme parlamentare dhe pastaj do të vijë një qeveri që do të zgjidhet nga populli dhe një kryeministër jo i zgjedhur nga një rreth i ngushtë njerëzish, i cili do të punojë për interesat e popullit dhe të shtetit, jo interesat personale apo partiake.”, – deklaroi kryetari i VMRO-DPMNE-së, Hristijan Mickoski.

Ai thotë se nëse nuk realizohen zotimet për zgjedhje të parakohshme në maj, është e papërshtatshme të insistohet, prandaj ato parlamentare duhet të mbahen së bashku me ato presidenciale, por thotë se për fatin e shtetit nuk mud të vendosë BDI.

“Nëse vërtet e besoni atë që thotë qeveria e BDI-së dhe LSDM-së, se po punojnë mirë, se janë vërtet të suksesshëm, kjo vërtetohet në zgjedhje, sovrani i këtij vendi është populli, jo zyrtarët e BDI-së të mbështetur nga LSDM.”,- u shpreh kryetari i VMRO-DPMNE-së, Hristian Mickoski.

Mickoski edhe një herë konfirmoi se deputetët e VMRO-DPMNE-së dhe koalicionit “Për Maqedoni më të mirë” nuk do të votojnë për amendamentet kushtetuese, sepse këtë nuk ua premtuan qytetarëve. Mickoski ka kërkuar nga kryeparlamentari Xhaferi që të caktohet seancë për “balancuesin”, sepse sipas tij, kështu nuk është përfaqësimi i drejtë në institucione.

*****

Tarifa e lirë prej 0,6 denarë rritet në 1,3 denarë, harruan të thonë se më shumë se dy herë. Dhe tani, kur çdo qytetar të llogarisë sa kilovat orë shpenzon në atë të lirë dhe sa në një nga blloqet, do të shihni që fatura me taksën e shtuar plus 5 për qind do të jetë të paktën 20 për qind më e lartë. Por nga 1 janari do ta shohin dhe përjetojnë të gjithë qytetarët, kështu është përgjigjur Hristijan Mickoski.

Mickoski shtoi se kjo është kështu për shkak se në vitin 2021 dhe 2022, nga buxheti shtetëror të gjithë qytetarët kanë transferuar mbi 265 milionë euro në SHA EMV, ELEM i dikurshëm.

“Ndërsa, vetëm në vitin 2022, në fund të nëntorit, pa llogaritur dhjetorin, janë transferuar 180 milionë euro. Dhe me dhjetorin do të jetë më shumë se 200 milionë euro. Dhe si shkojnë ato para? Transferohen nga buxheti i shtetit në EMV, ndërsa EMV shpall tender për miniera, kompanitë shantazhohen që të mos aplikojnë për atë tender për miniera dhe për urgjencë lidhen kontrata private. E njëjta gjë bëhet me mazutin, e njëjta gjë bëhet me thëngjillin e importuar gjegjësisht transportin, por kështu bëhet edhe me paradhënien e faturave për energjinë elektrike të importuar”, shtoi ai.

Kryetari i VMRO-DPMNE-së tha se nga ato 200 milionë, llogaritet se së paku 30 milionë po vidhen. Mickoski u bëri thirrje të gjithë atyre që bëjnë thirrje për luftë kundër krimit dhe korrupsionit “të shkojnë të hapin dokumentet dhe të shohin se ku është krimi”.

Mickoski për importin e energjisë elektrike tha se për një muaj e gjysmë duke filluar nga 7 apo 10 nëntor deri në fund të vitit 2022 janë mbi 45 milionë euro.

“Gjithë kohën i dëgjojmë të thonë se prodhojnë, se plotësohen nevojat, thuajse nuk ka importe etj. Dhe këtu pohoj, le të më mohojnë se vetëm për një muaj e gjysmë SHA EMV ka shpenzuar më shumë se 45 milionë euro”, tha ai.

Sipas tij, “kostot për kapacitetet cross border nuk janë llogaritur dhe po t’i llogaritësh edhe ato, do të marrësh diku rreth 600 mijë euro diferencë, jo 800 mijë, që përsëri është mjaft duke marrë parasysh se 2 milionë është e gjithë marrëveshja”.

“Pra ju keni një fitim prej 30 për qind, që është diçka e pabesueshme. Paguhet paraprakisht. Kështu vidhet Maqedonia. Dhe kushdo që thotë luftë kundër korrupsionit, menjëherë do t’ju jap një shembull”, është përgjigjur Mickoski i pyetur se si e komenton çmimin e blerjes së energjisë elektrike për 40% më të lartë se çmimi i tregut