Borë e ngricë në fundjavë

Instituti Hidrometeorologjik i Kosovës ka njoftuar se mot me diell e vranësira të pjesshme që vende-vende parashihet të sjellin riga shiu e fjolla bore, parashikohet të mbizotërojë në fundjavë në Kosovë.

Më 11 e 12 shkurt, siç ka bërë të ditur Instituti Hidrometeorologjik i Kosovës, ka rrezik që të ketë edhe ngrica.

Sipas parashikimit të motit, temperaturat minimale do të lëvizin ndërmjet -10 deri -3 gradë celsius, ndërsa maksimalet mes 2 dhe katër gradë celsius.

“Në mëngjes për rreth relievit malor dhe në rrugët me lagështi do të ketë ngrica, kështu që apelohet te ngasësit e makinave që të kenë kujdes të shtuar në trafik”, thuhet në parashikimin e IHMK-së.

Dragashi do të jetë vendim e temperaturat më të ulëta në këto dy ditë./