Deputetja serbe ia dhuron deputetit gjerman bluzën me hartën e Kosovës, mbuluar me flamurin e Serbisë (Foto)
Fushata e Serbisë ndaj Kosovës nuk ka të ndalur. Kësaj radhe deputetja e Parlamentit të Serbisë, Milica Djurdjeviq në Bundestagun gjerman ka takuar deputetin gjerman nga partia AfD, Tino Chrupalla, gjersa ia ka dhuruar një bluzë me mbishkrimin “Nuk ka dorëzim”, ku harta e Kosovës ishte e mbuluar me flamurin serb.
Në bluzën që deputetja serbe ia dhuroi atij gjerman shkruan se “nuk ka dorëzim”.
“Në Gjermani dhe kudo: Kosova është Serbi! Sot në Berlin në Bundestag pata një takim me kryetarin e Alternativës për Gjermaninë, Tino Chrupalla… AFD e tij është opsioni kryesor sovranist dhe shtetndërtues në Gjermani”, shkruan ajo në X.
Ndryshe, fushata e Serbisë kundër Kosovës nuk ka të ndalur. Serbia për vite të tëra lobon në shtete të ndryshme kundër pavarësisë së Kosovës.
У Немачкој и свуда: КОСОВО ЈЕ СРБИЈА!
Данас сам у Берлину у Бундестагу имала сусрет са председником Алтернативе за Немачку, Тином Крупалом. Његова АФД је водећа суверенистичка и државотворна опција у Немачкој. pic.twitter.com/s1DxFhW9iZ
— Милица Ђурђевић Стаменковски (@milicazavetnica) November 16, 2023
