Ambasada amerikane publikon letrën e njohjes së shtetësisë së Kosovës para 16 vjetësh

Kosova dje ka shënuar 16 vjetorin e shpalljes së pavarësisë. Ndër shtetet e para që njohën shtetësinë e vendit tonë ishin Shtetet e Bashkuara të Amerikës.

Së fundmi ambasada amerikane në Prishtinë, ka publikuar letrën zyrtare të njohjes së Kosovës si shtet sovran dhe të pavarur.

Në deklaratën e Sekretares së atëhershme të Shtetit Condoleezza Rice thuhej se presidenti Bush iu përgjigj pozitivisht kërkesës së Kosovës për vendosjen e marrëdhënieve diplomatike mes dy vendeve, njofton Klankosova.tv

“16 vjet më parë, Shtetet e Bashkuara e njohën zyrtarisht Kosovën si shtet sovran dhe të pavarur. Në deklaratën e Sekretares së atëhershme të Shtetit Condoleezza Rice thuhej se presidenti Bush iu përgjigj pozitivisht kërkesës së Kosovës për vendosjen e marrëdhënieve diplomatike mes dy vendeve tona.

Vendosja e këtyre marrëdhënieve do të riafirmojë lidhjet e veçanta të miqësisë që kanë lidhur së bashku njerëzit e Shteteve të Bashkuara dhe Kosovës”, thuhej në deklaratë.