Mickoski: “Lufta kundër korrupsionit është prioriteti kryesor i Qeverisë”

Kryeministri Hristijan Mickoski përmes një postimi në Facebook ka theksuar se lufta kundër korrupsionit dhe krimit të organizuar është një nga prioritetet kryesore të qeverisë së tij. Ai theksoi se do të zhvillojë takim të rëndësishëm me ministrin e Punëve të Brendshme, Pançe Toshkovskin, për të adresuar këto çështje të rëndësishme.

“Po dërgoj një mesazh të qartë. Askush nuk është mbi popullin, ligjin dhe Kushtetutën. Do të ketë përgjegjësi për krimin që shkatërron të ardhmen tonë të përbashkët. Ajo përgjegjësi duhet të jetë me emër dhe mbiemër, pavarësisht prejardhjes së personit”, theksoi kryeministri.

Kjo iniciativë e Mickoskit është pjesë e përpjekjeve më të gjera të Qeverisë për përmirësimin e sistemit juridik dhe forcimin e besimit të qytetarëve në institucionet.