Ursula von der Leyen, presidentja e Komisionit Evropian: Ndryshimet kushtetuese duhet të ndodhin

Ursula von der Leyen, presidentja e Komisionit Evropian, ka theksuar se jemi afër hapjes së klasterit të parë, por theksoi se kjo varet nga ndryshimet kushtetuese që Maqedonia e Veriut është e angazhuar të bëjë. Ajo shpreson për një dialog të përbashkët ndërmjet forcave politike për të përshpejtuar procesin e integrimit evropian dhe të hapjes së klasterit “Vlerat Themelore”.

Von der Leyen u shpreh se është e rëndësishme të punojë për këto ndryshime dhe të mos e shikojmë shumë në të kaluarën, por të fokusohemi në të ardhmen. Ajo siguroi se do të bëjë çdo përpjekje për të hapur negociatat për klasterin, duke theksuar se është në interes të Maqedonisë së Veriut që këto reforma të realizohen.

Për më tepër, Kryeministri Hristijan Mickoski tha se qeveria do të punojë për të arritur anëtarësimin në BE, duke u përpjekur që të ruajë dinjitetin e qytetarëve dhe të sigurojë një shtet ku mbizotëron sundimi i ligjit dhe vlerat evropiane. Ai e ftoi Bashkimin Evropian të ndihmojë në gjetjen e mënyrave për të vazhduar procesin e integrimit evropian.