Luftanija amerikane ankorohet në Trinidad dhe Tobago mes tensioneve në rritje me Venezuelën
Një anije luftarake amerikane mbërriti të dielën në kryeqytetin e Trinidadit dhe Tobagos, Port of Spain, ndërsa administrata e Trumpit ka rritur presionin ushtarak ndaj Venezuelës dhe presidentit Nicolas Maduro, transmeton Anadolu.
Shkatërruesi me raketa të drejtuara USS Gravely u ankorua në Port of Spain, për t’u bashkuar me aeroplanmbajtësen USS Gerald R. ndërsa ajo po i afrohet ujërave të Venezuelës.
Maduro dënoi vendosjen, duke akuzuar SHBA-në se po kërkon të ndezë “një luftë të re të përjetshme” kundër kombit të tij.
Qeveria e Venezuelës dënoi praninë e USS Gravely, duke e përshkruar atë si një “provokim armiqësor kundër Venezuelës dhe një kërcënim serioz për paqen në Karaibe” ndërsa akuzoi SHBA-në se po planifikonte një operacion të mundshëm me flamur të rremë.
“Venezuela njofton se ka kapur një grup mercenarësh me informacion të drejtpërdrejtë nga agjencia e inteligjencës amerikane CIA, duke qenë në gjendje të përcaktojë se një sulm me flamur të rremë është duke u zhvilluar nga ujërat që kufizojnë Trinidadin dhe Tobagon, ose nga Trinidad ose vetë territori i Venezuelës”, tha qeveria në një deklaratë.
Zyrtarët nga Trinidadi dhe Tobago dhe SHBA-ja njoftuan se anija luftarake do të qëndrojë në kryeqytet deri të enjten për të lejuar dy vendet të kryejnë ushtrime të përbashkëta stërvitore.
