U njohën në ‘O Sa Mirë’, e pranojnë janë në lidhje dhe do të martohen së shpejti

Aktorja e njohur, Jonida Vokshi, ka qenë e ftuar së fundmi në emisionin “Xing me Ermalin”.

Ajo ka folur gjerë e gjatë rreth karrierës së saj, ndërsa nuk ka hezituar që t’i shpalos edhe më të rejat në jetën e saj private.

Ndonëse nuk përflitej, aktorja ka preferuar ta zbulojë vet lidhjen e saj me aktorin dhe producentin e njohur kosovar, Besnik Krapin.
Ata kanë qenë të dy së bashku aktorët të hit serialit “O Sa Mirë” në dy sezonet e para, përkatësisht Jonida në rolin e vajzës tiranase (Elizabeta), dhe Besniku në rolin e prizrenasit (Mesuti).

Dhe duket se është pikërisht ky serial zanafilla e gjithçkaje, ngase edhe vet aktorja gjatë emisionit e ka pranuar se aty filluan shikimet e para dhe takimet mes dyshes.

“Unë me të jam njohur tek seriali “O sa mirë”, pasi ishim të dy pjesë e kastit. Kemi qenë miq në fillim dhe duke u njohur dhe duke kaluar kohë bashkë u dashuruam. Si dy të dashuruar vjen një moment që konkludohet dashuria”, ka thënë Jonida.

Tutje, e pyetur nga Ermali nëse dyshja do të martohen, aktorja nga Shqipëria e ka pohuar edhe një gjë të tillë.

“Po do bëjmë dasmë, do kërcejmë pak”, ka thënë ndër të tjerash ajo.